Nhòrlas

« Sei demorat un vintenat d'annadas a far regent dins un vilatge del Perigòrd Negre.Vertat que regent de campanha èra mai qu'un trabalh. Quò començava per èstre una causida de vita e quò veniá lèu un biais d'èstre. E al fial del temps, quò se virava en-d'una filosofia vertadièra que se podiá pas inventar en vila o endacòm mai.Per èstre regent de campanha, caliá èstre païsan al sens plen de lo que viu dins lo país e per lo país. Aprenguèri aquí tot çò que la vita a de mai enrasigat, tot çò qu'aquèla cultura milenària a de mai prigond.Avisèri e aprenguèri. Avisèri las causas, las bèstias e lo monde. Avètz aquí un palm de çò qu'ai ajut lo temps d'avisar. »