MWEN ENME-W...

Mwen Enmé-w…Ti mo a lanmou 2Doudou …Mi on liv ki ni yenki pawòl miyèl, pawòl dousè, pawòl flè, pawòl sik. I ka wouklé kréyòl pou di lanmou. Pani biten ki pli bèl ki lanmou sé an sans-lasa kréyòl é lanmou ka voltijé an menm dirèksyon. Kréyòl sé nou, si nou pa bay balan ki moun ki ké fè-y ? Sé vou, sé mwen, sé nou, alòs wouklé an zòrèy a ti doudou dé ti mo, dé ti mo a lanmou adan lang natirèl, an kréyòl, an gwadloupéyen. Sa tro bèl sa ki ka rivé mwen… Chak pòt ni klé a-y, vou ou ni klé a kè an mwen.Sé dèpi nou jwenn an sav kijan bònè ka maké.Ki karèm, ki livinaj sé sézon pou mwen enmé-w.An pòkò jan vwè on pwason viv san lanmè, on zozyo viv san lè, an vòlkan viv san difé sé pou lamenm rézon-lasa an pépa viv san vou… An sé mizisyen, onsèl pawtisyon an ka li sé mizik a kò a-w…