Ua definicion istorica e geografica de Gasconha, per Halip Lartiga.Prefaci de Gilabèrt Nariòo.Edicion quadrilinga en gascon, basco, castelhan e francés.Lo gascon qu’es, mei que mei siguents Pèir Bec, l’ua de las varietats deu grop lingüistic occitano-romanic. Ua varietat hòrt caracterizada. Pr’amor deu son parentatge dab lo basco, que’u podem har vasco-romanic tanben com ac hèn daubuns lingüistas, o meilèu aquitano-romanic. Bèra pausa a qui avèm a l’idea de tribalhar a la presentacion d’ua carta de Gasconha. Que ns’èm alavetz hicats en cèrcas d’ua maneita de las bonas entà dessenhar aquera termièra pro desconeishuda. Lo territòri atau definit qu’es compausat de paisòts dont apartienón tots a la region hèita Aquitània, Novempopulania, Vasconia o Gasconha.
